अर्जी सुन्ज्यो जी त्रिपुरार,
थे छो भूता रा सरदार,
अजी थारी महिमा अपरम्पार,
धतूरो बोयो वन म…
भांगडली सरनाई रे शिव थारा नैना म…
शिव थारी बैला रि असवारी,
म्हाने लागे घणी सुप्यारी
नाग बिराजे गळ म…
भांगडली सरनाई रे शिव थारा नैना म…
शिव थारी जटा म बहती गंग ,
थे तो नित उठ पीओ भंग ,
भसम रमाओ तन म…
भांगडली सरनाई रे शिव थारा नैना म…
शिव थारो डम डम डमरू बाजे,
थारा पगा म घूँघरा बाजे,
गौरा रहवे संग म…
भांगडली सरनाई रे शिव थारा नैना म…
शिव थाने धन्ना दास कथ गावे,
अपने गुरू को शीष नवावे,
भजन बना दियो रंग म…
भांगडली सरनाई रे शिव थारा नैना म…
Author: Unkonow Claim credit
